 418b ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བན་\་Bཱ་ཎཱ?\་བཞུགས་སོ། །དེ་ནས་དེའི་ཚེ་ཡུལ་ཀོ་ས་ལའི་རྒྱལ་པོ་གསལ་རྒྱལ་དང ། བཙུན་མོ་དམ་པ་བཙུན་མོ་ཕྲེང་ལྡན་མས་ལྷ་མོ་དཔལ་ཕྲེང་ཆོས་རྟོགས་ནས་རིང་པོ་མ་ལོན་པའི་བར་སྐབས་སུ་གཏམ་གླེངས་པ། རྒྱལ་པོ་ཆེན་པོ། ཀྱེ་མ་ཁྱེད་ཀྱི་སྲས་མོ་ལྷ་མོ་དཔལ་ཕྲེང་ནི་མཛངས་ཤིང་གསལ་ལ་ཟབ་ཅིང་མཁས་ཏེ། གལ་ཏེ་ངས་བཅོམ་ལྡན་འདས་མཐོང་བ་ལྟ་ན་ཚེགས་ཆུང་ངུས་ཆོས་རྟོགས་ལ། བཅོམ་ལྡན་འདས་ཀྱིས་ཆོས་བསྟན་པ་ལ་ཡང་ཐེ་ཚོམ་མ་མཆིས་པར་འགྱུར་རོ། །དེ་ནས་ཡུལ་ཀོ་ས་ལའི་རྒྱལ་པོ་གསལ་རྒྱལ་གྱིས་བཙུན་མོ་ཕྲེང་ལྡན་མ་ལ་འདི་སྐད་ཅེས་སྨྲས་སོ། །ཕྲེང་ལྡན་མ། འུ་བུ་ཅག་གིས་ལྷ་མོ་དཔལ་ཕྲེང་ལ་ཕོ་ཉ་ནུས་པ་ཤིག་བཏང་གོར་མ་ཆག་གོ་།དེ་སྐད་ཅེས་སྨྲས་པ་དང ། བཙུན་མོ་ཕྲེང་ལྡན་མས་རྒྱལ་པོ་གསལ་རྒྱལ་གྱི་ཚིག་དེ་མཉན་ནས། ཀོ་ས་ལའི་རྒྱལ་པོ་གསལ་རྒྱལ་དང ། བཙུན་མོ་ཕྲེང་ལྡན་མས་བཅོམ་ལྡན་འདས་ཀྱི་ཡོན་ཏན་གྱི་བསྔགས་པ་རྣམ་པ་དུ་མ་བྲིས་ཏེ། ནང་ཀོར་མ་ཡིད་བརྟན་པ་ཟླ་བ་ལྟ་བུ་ཞེས་བྱ་བ་དེའི་ལག་ཏུ་འཕྲིན་ཡིག་བསྐུར་ནས་དེ་མཐར་གྱིས་སོང་སྟེ། གྲོང་ཁྱེར་འཐབ་མེད་དུ་ཕྱིན་ནས་བཙུན་མོའི་འཁོར་དུ་སོང་སྟེ། ལྷ་མོ་དཔལ་ཕྲེང་ལ་ཕྱག་འཚལ་ནས་ཕན་ཚུན་ཀུན་དགའ་བའི་གཏམ་བྱས་ཏེ། ལྷ་མོ་དཔལ་ཕྲེང་གི་ལག་ཏུ་འཕྲིན་ |
